Genealogiaren hastapenak

Familiaren iragana arakatzerakoan genealogiarekin interesaturik dauden guztiek eskueran dauzkaten baliabideak ezagutzea da lehen hitzaldiaren helburua.
Horrela, honelako ikerketa batek dituen osagai eta atalak bata bestearen atzetik aurkezten dira hitzaldi honetan, hasieratik abiatuz, hots, datuak bilatzen nondik hasi behar den, nola baloratu, horrek dituen berezko mugak eta zailtasunak, horien dokumentu-trataeraraino heldu arte.
Eduki horien ulermena errazteko asmoz, adibide sorta bat eskaintzen da, baita erabiltzaileen esku dauden informazio teknologia berrien baliabideak ere.

Genealogiatik Familiaren Historiara

Bigarren hitzaldi honen bitartez arbasoen bizitzaren xehetasunak ezagutzeko aukera eskaini nahi da, genealogiak ematen dituen jaiotze data eta lekuen zerrenda hutsetatik areago.
Horretarako, ikertzaileek eta zaletuek dauzkaten tresnak eta baliabideak aurkezten dira, dokumentuak bilatzeko modutik hasita horien balizko interpretaziora arte. Honela, belaunaldi bakoitzaren profila norbanakoen datuekin osatu ahal izango da.
Testamentuak, ezkontza-kontratuak, eta familiak sortutako mota ezberdinetako informazio-iturriei esker gure arbasoen hainbat arlo osatu izango dugu, askotan arlo ezezagunak, eta askotan ere harrigarriak, gure aurrekoen bizimodua nolakoa zen ezagutzeko aukera bat eskainiz.

Abizena, sorrera eta bilakaera

Jendearen artean atal erakargarrienetako eta interesgarrienetako bat abizenarekin zerikusirik duen guztia da.
Eta, hain zuzen ere, jakin-min honi erantzuteko asmoz planteatu da hitzaldi hau, non abizenaren sorrera eta denboran zehar, XIX. mendean finkatu arte, izan duen bilakaera aztertuko den.
Bereziki euskal abizenari buruz ariko da, baina, horrekin batera, munduko abizenei buruzko informazioa ere eskainiko da, gaztelaniaren eremu hurbiletik ekialdeko herri eta kultur eremuetara.