Geologikoki, lur berria da Altza. Ikus ditzakegun arrokak itsas hondoetan denbora pasa ahala pilatu diren materialez eratu dira (buztinak, kararriak, harearriak eta konglomeratuak), Tertziario aroan sortuak (duela 50 eta 220 m.u.).

Urtean zehar klima epela dugu. Ozeaniko-atlantiko hezea deitutako klima barruan sartzen da. Altzako plubiometria urtean 1500 mm. eta 1700 mm. artean dabil. Udazkenean eta neguan euri gehiago egiten du, eta udan berriz, ez dago lehorterik.

Biztanle-dentsitatea oso altua da (4175 biz./km2). Denboraz, San Marzial eliza ondoan sortutako herrixka eta baserritar populatzeari gehituz auzune berriak eraiki dira, batez ere XX. mendeko bigarren zatian, egungo Altza eratu arte: Altzagaina( Erroteta, Harri Zar, Harri Berri, Los Boscos, Santa Barbara eta Oleta), Larratxo, Molinao, Buenavista, Herrera, Bidebieta, Gomistegi, Intxaurrondo eta Martutene-Sarrueta.