Altzako komunitateari dagokion ekoizpen bibliografikora sarbidea errazteko asmoz (artikuluak zein monografiak), zerrenda bibliografikoak bi modutara sailkatu ditugu: alfabetikoki antolatutako egileen aurkibidea eta gaika antolatutako egileen aurkibidea.

Erreferentzien edukia aldakorra izan daiteke, altzatar errealiteari dagozkion lan zehatzetatik, gure komunitatearen inguruko ikerketa zabalago bat egiteko beharrezkoak diren lan orokorretaraino.

Atal honetan, altzako hainbat erakunde eta elkarteek ekoiztutako material grafikoa (pegatinak, jai egitarauak, kartelak...) bilduta dago.

Material ezberdinen miniaturetaz gain, + ikurraren gainean sakatu ezkero, pantaila osora ikusteko aukera eta informazio zabalagoa eskaintzen dugu.

Material grafikoa, jabetza intelektualari dagokion legeen babesean dago.

Datu base honetan inprimatutako komunikabideetan Altzako komunitatearen inguruan argitaratutako albiste edo aipamenak bilduta daude. Horretarako, egunero Deia, El Diario Vasco, Euskaldunon Egunkaria, Gara eta El Mundo egunkariak eta astero Irutxulo aldizkaria berrikusten dira.

Albiste edo aipamenak bi formatu ezberdinetan gorde dira: lehen aipatu komunikabideetako edizio digitaletan argitaratutako albisteak, HTML formatuan daude eta inprimatutako aleetatik ateratako albisteak, PDF formatuan topa daitezke.

Gaur egun, aipatu komunikabideetan 2001 urtean zehar argitaratutako albisteak kontsultatu daitezke. Etorkizun gertu batetan, aurreko urteetako albisteak sartzea dugu helburu.

Altzako fototeka birtuala izango denaren aurrekari bezala, atal honetan Altzako argazki ondare aberatsaren eredu diren argazkiak sailkatuak eta digitalizatuak eskaintzen ditugu.

Argazkien miniaturetaz gain, + ikurraren gainean sakatu ezkero, pantaila osora ikusteko aukera eta informazio zabalagoa eskaintzen dugu.

Argazki materiala, jabetza intelektualari dagokion legeen babesean dago.

(Donostiako Udala)

Datu base honetan, 2001eko urtarrilaren 1a geroztik, Altzako komunitatearekin harreman zuzena duten Donostiako Gobernu Batzordea eta Udaletxeko Plenoaren udal akordioak bilduta daude.

Akordioak PDF formatuan gordeta daude.

Datu basean dagoen informazioaren sistematizaziorako Auzoak eta Herritarren Partaidetzako Bulegoaren kolaborazioa eduki dugu.

Atal honetan, azken urteotan zehar Altza eta altzatarrokin harremana duten ikus-entzunezko materialak topa daitezke.Bideo dokumentuak ikusteko, beharrezkoa da programaren bat instalaturik edukitzea.

Soinudun dokumentuak entzuteko, RealAudio edo bestelako aplikazioak beharrezkoak dira erreproduzitzeko.